Galixfera.com o portal galego de información e servicios

Vence (BNG) esixe a dimisión da conselleira de Sanidade e pide explicacións a Feijóo

Fuente: Europa Press | Publicado: 30-01-2014
0 comentarios | Votos: 193 | Nota: 1 |
O voceiro nacional do Bloque Nacionalista Galego, Xavier Vence, esixiu que a conselleira de Sanidade, Rocío Mosquera, "asuma a súa responsabilidade" e dimita, despois do fallo do Tribunal Superior de Xustiza de Galicia (TSXG) que anula a adxudicación dunha xefatura de servizo ao seu marido, á que accedeu cando ela era entón xerente do Sergas.

Así o trasladou este xoves en declaracións aos medios, tras a reunión que mantivo o Bloque con representantes da plataforma SOS Sanidade Pública en Vigo. "Debe dimitir porque está claro e contrastado que houbo desvío de poder nesa promoción do seu marido", trasladou Vence.

Así mesmo, engadiu que o presidente da Xunta, Alberto Núñez Feijóo, debe explicar tamén "como está a facer a xestión da sanidade pública para facer promoción dos seus de forma irregular".

Neste sentido, o voceiro nacionalista indicou que, con esta sentenza xudicial, "se demostra a forma de funcionar do Partido Popular" nos servizos públicos", e que "o PP usa o poder para promover os seus comisarios políticos dentro da sanidade pública, porque son os que lle permiten dende dentro ir minando a calidade da sanidade", concluíu.

Estas declaracións súmanse ás da voceiro en materia sanitaria do Bloque, Montse Prado, que o pasado mércores manifestara a Europa Press que un profesional "pode ser bo á marxe das relacións afectivas ou persoais que teña", polo que o BNG "non pon en cuestión a capacidade dos profesionais", senón o sistema de nomeamento, para o que pide uns criterios "obxectivos".

En relación a iso, indicou que "se os criterios non son obxectivos, permiten que non sempre sexan designadas as mellores persoas, senón coas que se ten máis afinidade política".
Comentarios:

Queres comentar a noticia?

En breve poderá darse de alta como usuario para poder comentar as noticias. Unha vez rexistrado poderás comentar e moito máis

Regístrarme

O voceiro nacional do Bloque Nacionalista Galego, Xavier Vence, esixiu que a conselleira de Sanidade, Rocío Mosquera, "asuma a súa responsabilidade" e dimita, despois do fallo do Tribunal Superior de Xustiza de Galicia (TSXG) que anula a adxudicación dunha xefatura de servizo ao seu marido, á que accedeu cando ela era entón xerente do Sergas.
Derechos: Europa Press


O MÁIS LEIDO

Uns 300 manifestantes reciben entre apupos a Rueda e a Juárez na apertura do ano xudicial en Galicia
Uns 300 manifestantes, entre eles membros da plataforma en defensa dos servizos públicos e de diversos colectivos sociais, entre eles Stop Desahucios e a asociación de vítimas de violencia de xénero Ve-la Luz, apuparon este venres o vicepresidente da Xunta, Alfonso Rueda, e o delegado do Goberno en Galicia, Samuel Juárez, á súa chegada ao acto de apertura do ano xudicial en Galicia.
A Xunta sostén que esgotar o prazo para vender NCG poría a entidade 'en risco de liquidación'
Rexeita unha banca pública, que cre que se convertería nun "quiosco ineficiente" os créditos do cal poderían considerarse axuda de Estado
Morre apuñalado un mariñeiro de Marín a mans do cociñeiro do barco no que faenaba no atlántico Sur
Un veciño de Marín (Pontevedra) de 45 anos de idade faleceu tras ser atacado cun coitelo por parte do cociñeiro do barco no que faenaba, en augas do atlántico Sur, e outros tres tripulantes resultaron feridos, un de eles, o patrón de pesca, de Cangas do Morrazo, segundo confirmaron a Europa Press fontes de UGT-Mar en Galicia.
Interceptadas 12 persoas que acudiron a un exame da Xunta con aparatos de escoita e a 4 que emitían as respostas
A cambio duns 5.000 euros, un grupo facilitaba as contestacións por equipos de transmisión aos examinado
Os fondos para dependencia aumentan un 2,2% e a partida da Risga crece un 7% en 2014
As universidades recibirán 374,5 millóns de euros da Xunta en 2014, un 0,8% máis

O maior directorio galego de empresas e profesionais. Direccións, teléfonos...

Alimentación Animais Arte e cultura Artes gráficas
Asesorías e laboral Asociacións, colexios oficiais e profesionais Automoción Comercio varios
Comercio, banca e finanzas Construción Deportes Enoloxía
Ensino Espectáculos e eventos Establecementos hoteleiros Estética e beleza
Flores e plantas Fogar e mobles Imaxe e son Industria
Enxeñaría Inmobiliaria Instalacións e mantenimientos Xoiaría e reloxaría
Xustiza e servizos legais Maquinaria Náutica e servizos navais Ocio
Publicidade, mercadotecnia e medios Relixión e servizos funerarios Restaurantes e hostalaría Saúde
Seguridade e vixilancia Seguros e mutuas Servizos a empresas Servizos fogar
Servizos sociais Servizos e subministracións Tecnoloxía e comunicacións Téxtil e complementos
Transportes e loxística Turismo Viaxes