Galixfera.com o portal galego de información e servicios

Os prezos industriais caen un 0,4% en Galicia en decembro

Fuente: Europa Press | Publicado: 24-01-2014
0 comentarios | Votos: 1 | Nota: 4 |
Os prezos industriais caeron un 0,4% en Galicia en decembro en termos interanuais, mentres que se mantiveron sen variación en relación a novembro, de acordo cos datos publicados este venres polo Instituto Nacional de Estatística (INE).

En toda España, os prezos industriais subiron un 1,1% o pasado mes de decembro respecto ao mes anterior e incrementáronse un 0,6% en taxa interanual debido ao repunte do sector enerxético.

Con este avance interanual no último mes do ano pasado, os prezos industriais retornaron a taxas positiva despois de rexistrar en outubro e novembro caídas interanuais do 0,2% e do 0,5%, respectivamente.

No caso de Galicia, o descenso máis acusado deuse nos bens intermedios, cun descenso interanual do 2,9%; mentres que os bens de consumo retrocederon un 0,6%. Dentro destes, os de consumo duradeiro experimentaron un aumento do 1,2% pero os de consumo non duradeiro caeron un 0,7%. Os bens de equipo non rexistraron variacións e a enerxía creceu un 3,2.

No conxunto de España, os prezos industriais arrancaron 2013 en positivo e en marzo e abril entraron en taxas interanuais negativas, situación que non se daba dende 2009. Volveron crecer entre maio e xullo, caeron levemente en agosto, subiron lixeiramente en setembro e en outubro e novembro entraron de novo en negativo.

O repunte interanual que experimentaron os prezos industriais en decembro debeuse principalmente á enerxía, que situou a súa taxa anual no 4,9%, cifra que supera en máis de 4,5 puntos a taxa interanual de novembro.

Este comportamento do sector enerxético é consecuencia do encarecemento dos prezos da produción, transporte e distribución de enerxía eléctrica e, en menor medida, da suba dos prezos do refino de petróleo, en contraste coa baixada que experimentaron en decembro de 2012.

No lado dos descensos, destacou o dos bens de consumo non duradeiro, cunha variación interanual do 0,0%, cinco décimas por debaixo da taxa de novembro e a menor dende marzo de 2010. O INE atribúe a caída dos prezos deste sector ao abaratamento da fabricación de aceites e graxas vexetais e animais, que experimentou a súa taxa anual máis baixa dende agosto de 2009.

SUBA MENSUAL DO 1,1%

En termos mensuais, os prezos industriais aumentaron en decembro pasado un 1,1% tamén a causa da enerxía, que rexistrou un crecemento mensual do 4,4% polo encarecemento da produción enerxética e do refino de petróleo.

No outro extremo, o dos descensos, sobresae a caída mensual do 0,3% experimentada polos bens de consumo non duradeiro e que estivo motivada pola baixada dos prezos da fabricación de aceites e graxas vexetais e animais.

Tamén os bens intermedios reduciron a súa taxa mensual o pasado mes de decembro, neste caso un 0,1%, pola diminución dos prezos da fabricación de produtos básicos de ferro.

CATRO COMUNIDADES EN NEGATIVO

En decembro, a taxa anual dos prezos industriais aumentou na maior parte das comunidades autónomas, especialmente en Baleares e Canarias, que rexistraron as taxas anuais máis elevadas (15,8% e 9,5%, respectivamente) tras repuntar estas en decembro 14,9 e 12,3 puntos, respectivamente.

As únicas comunidades que recortaron o mes pasado a súa taxa anual foron La Rioja e Madrid, con descensos dun e medio punto, ata o 1,7% e o 1,1%, respectivamente.

A peche de 2013, catro comunidades presentaban taxas anuais negativas deste indicador: Andalucía (-1,1%), Galicia e Comunidade Valenciana (-0,4% en ambos os dous casos) e País Vasco (-0,2%).
Comentarios:

Queres comentar a noticia?

En breve poderá darse de alta como usuario para poder comentar as noticias. Unha vez rexistrado poderás comentar e moito máis

Regístrarme

Os prezos industriais caeron un 0,4% en Galicia en decembro en termos interanuais, mentres que se mantiveron sen variación en relación a novembro, de acordo cos datos publicados este venres polo Instituto Nacional de Estatística (INE).
Derechos: Europa Press


O MÁIS LEIDO

A Xunta di que Pemex 'ten que cumprir' prazos e reitera que traballa para iniciar os floteis 'canto antes'
O conselleiro de Economía e Industria, Francisco Conde, asegurou que Pemex "ten que cumprir unha serie de prazos" antes de iniciar a construción dos dous floteis en Galicia, unhas obras nas que o Goberno galego "traballa", xunto aos estaleiros e á petroleira, para que poidan iniciarse "canto antes".
O PSdeG acusa á Xunta de redactar un decreto de servizos para dependentes que 'trae máis sufrimento' ás familias
Sostén que este proxecto normativo "incumpre" o precepto legal de que ninguén quede excluído de cobertura por razón económica
Autoridades e afectados perfilan a estratexia da fronte común contra o actual acordo pesqueiro con Mauritania
As citas clave, o 17 de setembro, coa comisión mixta e o 9 de outubro, na eurocámara
O sector crítico da CIG na planta de Citroën en Vigo abandona en bloque o sindicato
O sector crítico da CIG na planta de PSA Peugeot Citroën en Vigo abandonou en bloque a militancia do sindicato tras a expulsión dun membro o pasado mes de novembro e a solicitude de para facer o mesmo con outros seis compañeiros, "en contra do criterio dos instrutores do expediente aberto".
O alcalde de Carnota di que 'falta pouco' para que ardera todo o monte Pindo, protexido por Rede Natura
Esixirá "responsabilidades políticas" e sospeita unha "dobre intencionalidade" para evitar que se declare parque natural

O maior directorio galego de empresas e profesionais. Direccións, teléfonos...

Alimentación Animais Arte e cultura Artes gráficas
Asesorías e laboral Asociacións, colexios oficiais e profesionais Automoción Comercio varios
Comercio, banca e finanzas Construción Deportes Enoloxía
Ensino Espectáculos e eventos Establecementos hoteleiros Estética e beleza
Flores e plantas Fogar e mobles Imaxe e son Industria
Enxeñaría Inmobiliaria Instalacións e mantenimientos Xoiaría e reloxaría
Xustiza e servizos legais Maquinaria Náutica e servizos navais Ocio
Publicidade, mercadotecnia e medios Relixión e servizos funerarios Restaurantes e hostalaría Saúde
Seguridade e vixilancia Seguros e mutuas Servizos a empresas Servizos fogar
Servizos sociais Servizos e subministracións Tecnoloxía e comunicacións Téxtil e complementos
Transportes e loxística Turismo Viaxes