Galixfera.com o portal galego de información e servicios

O BNG pide a Feijóo que explique os 'resultados nefastos' das súas políticas, que 'fracasan estrepitosamente'

Fuente: Europa Press | Publicado: 23-01-2014
0 comentarios | Votos: 10 | Nota: 2 |
O voceiro nacional do BNG, Xavier Vence, reclamou ao presidente da Xunta, Alberto Núñez Feijóo, que "compareza e explique ante a cidadanía" a situación de Galicia ante os "resultados nefastos das políticas que practica", as cales "están a fracasar estrepitosamente", e despois de que a Comunidade galega pechase 2013 con 38.600 ocupados menos e 400 parados máis.

Nun inciso antes da rolda de prensa con motivo da reunión do BNG coa Plataforma Iniciativa pola Gratuidade da Sanidade Pública, Xavier Vence advertiu de que os datos coñecidos este xoves desvelan a realidade "fronte á propaganda do PP e de Feijóo, que anuncia a recuperación". "Estes datos estatísticos oficiais poñen a realidade da economía, absolutamente degradante", evidenciou.

Tras referirse ás cifras que se desprenden da EPA, Xavier Vence indicou que a perda de postos de traballo "non se traduce" nun aumento do paro similar debido a que "grande parte deses ocupados que deixan de selo retíranse do mercado de traballo, pola vía da emigración ou dos chamados desanimados".

Ademais, indicou que, mentres que noutras comunidades baixaron as cifras do paro, en Galicia subiron, malia que é o territorio "campión da austeridade e do saneamento das contas públicas".

"Dende o noso punto de vista, estes datos son unha vez máis unha emenda á totalidade á política do PP, da Xunta de Feijóo, políticas que están a fracasar estrepitosamente e conducindo ao país a un colapso estrepitoso", resaltou Xavier Vence, quen concluíu que os "recortes" están a levar "ao estrangulamento da economía, do emprego, e á crecente precarización da vida social e laboral".

A este respecto, argumentou que, ademais de que Galicia perde ocupados, "boa parte" dos empregos que se crean son "a tempo parcial" e están "asociados a unha moi baixa remuneración social". "Estamos nunha senda de destrución de emprego e precarización na vida das persoas e as familias", sentenciou.
Comentarios:

Queres comentar a noticia?

En breve poderá darse de alta como usuario para poder comentar as noticias. Unha vez rexistrado poderás comentar e moito máis

Regístrarme

O voceiro nacional do BNG, Xavier Vence, reclamou ao presidente da Xunta, Alberto Núñez Feijóo, que "compareza e explique ante a cidadanía" a situación de Galicia ante os "resultados nefastos das políticas que practica", as cales "están a fracasar estrepitosamente", e despois de que a Comunidade galega pechase 2013 con 38.600 ocupados menos e 400 parados máis.
Derechos: Europa Press


O MÁIS LEIDO

Manel Vázquez afronta o 'sprint final' para conseguir todos os avais con 'ilusión' e anima a militantes a 'votarlle'
O proceso de recollida de apoios para as primarias do PSdeG remata ás 19.00 horas deste venres
A oficina principal de Novagalicia en Moaña reabrirá o martes pero seguirán as protestas de afectados por preferentes
A oficina principal de Novagalicia Banco na localidade pontevedresa de Moaña que tiña prevista a súa reapertura para este luns, e que finalmente non desenvolveu actividade de cara ao público pola concentración de afectados polas preferentes e subordinadas, volverá funcionar o martes, se ben os aforradores continuarán coas súas protestas.
Cargos de Adif acóllense ao 'regulamento' para indicar que a sinalización 'era correcta' e a curva 'segura'
Nunha declaración "evasiva", segundo as acusacións, afirman que no tramo do accidente "xamais houbo un sistema ERTMS"
O xuíz pide un informe de expertos sobre as causas do sinistro, as circunstancias ou posibles anomalías
O titular do Xulgado de Instrución número 3 de Santiago, Luis Aláez, acordou a realización dunha proba pericial xudicial sobre as causas do accidente de tren de Angrois, as circunstancias e calquera outra anomalía, deficiencia ou irregularidade en relación ao sinistro.
Psicólogos din que o maquinista vivirá unha situación 'moi dura' e necesitará 'axuda' sexa responsable ou non
Varios psicólogos auguraron este mércores, en Santander, que o maquinista do tren Alvia que descarrilou en Santiago de Compostela, Francisco José G. A., vivirá unha situación "moi dura" e que "probablemente" vai necesitar "axuda" para superar esta traxedia, na que faleceron 79 persoas.

O maior directorio galego de empresas e profesionais. Direccións, teléfonos...

Alimentación Animais Arte e cultura Artes gráficas
Asesorías e laboral Asociacións, colexios oficiais e profesionais Automoción Comercio varios
Comercio, banca e finanzas Construción Deportes Enoloxía
Ensino Espectáculos e eventos Establecementos hoteleiros Estética e beleza
Flores e plantas Fogar e mobles Imaxe e son Industria
Enxeñaría Inmobiliaria Instalacións e mantenimientos Xoiaría e reloxaría
Xustiza e servizos legais Maquinaria Náutica e servizos navais Ocio
Publicidade, mercadotecnia e medios Relixión e servizos funerarios Restaurantes e hostalaría Saúde
Seguridade e vixilancia Seguros e mutuas Servizos a empresas Servizos fogar
Servizos sociais Servizos e subministracións Tecnoloxía e comunicacións Téxtil e complementos
Transportes e loxística Turismo Viaxes