Galixfera.com o portal galego de información e servicios

Nace o bono de Teatro galego e portugués, que permitirá por 35 euros ver cinco representacións en Santiago

Fuente: Europa Press | Publicado: 13-01-2014
0 comentarios | Votos: 248 | Nota: 1 |
O Concello de Santiago de Compostela e a Axencia Galega de Industrias Culturais (Agadic) puxeron en marcha o bono de Teatro Galego (e portugués), que permite, por 35 euros, acudir a cinco representacións nos teatros da capital galega. Esta iniciativa permite un aforro do 30 por cento sobre o custo individual (duns 10 euros) das entradas para este tipo de espectáculos.

Na rolda de prensa de presentación deste bono cultural, que servirá para cinco das 80 representacións que se programarán en 2014 (galegas, portuguesas e unha italiana), o alcalde de Santiago, Ángel Currás destacou que esta proposta busca ser un "impulso ao teatro galego", así como servir de "intercambio cultural con outros países".

No acto, no que tamén estiveron o director Axencia Galega de Industrias Culturais (Agadic), Jacobo Sutil; o director do Centro Dramático Galego, Manuel Guede; e o director do Auditorio de Galicia, José Víctor Carou, os responsables da iniciativa detallaron a programación da tempada.

Concretamente, arrancará coa compañía galega Excéntricas, que estreará no Teatro Principal 'Dá Vinci tiña razón', dirixida por Quico Cadaval, e que ofrecerá catro funcións entre os días 16 e 19 de xaneiro.

"VARIADA E DE CALIDADE"

O director de Agadic destacou a "relevancia destas iniciativas" e que o obxectivo radica en que o "público teña unha programación variada e de calidade incentivando o achegamento ao teatro galego".

Pola súa banda, Manuel Guede incidiu en que esta campaña busca "neutralizar" a situación da dramática galega, xa que os "consumidores de cultura fan axustes económicos que afectan ao teatro, e máis ao galego". Así mesmo, recordou a suba do IVE cultural, ata o 21 por cento, e incidiu en que é unha medida "inxusta".

Por último, o director do Auditorio de Galicia indicou que a remuneración para algunhas das compañías será a recadación da taquilla pola súa proposta escénica.

PROGRAMACIÓN

Tras a estrea de 'Dá vinci tiña razón', no Teatro Principal tamén acollerá 'As do peixe', unha historia de Cándido Pazó, o venres 31 de xaneiro; e 'Sede de mal', a partir do 13 de febreiro.

Así mesmo, no Salón Teatro presentarase 'Bye, Bye, Honey,', do 23 ao 26 de xaneiro; 'Matanza', o domingo 2 de febreiro; e 'Pegadas, unha obra na que destacan textos de Suso de Toro, os días 6 e 7 de febreiro, entre outras.
Comentarios:

Queres comentar a noticia?

En breve poderá darse de alta como usuario para poder comentar as noticias. Unha vez rexistrado poderás comentar e moito máis

Regístrarme

A iniciativa, impulsada polo Concello compostelano e a Agadic, permite un aforro do 30% sobre o prezo individual das entradas
Derechos: Europa Press


O MÁIS LEIDO

Hernández ve a nova Lei de Costas unha 'oportunidade' para 'regularizar' 12.500 vivendas 'alegais' en Galicia
350 técnicos e urbanistas participan en Santiago nunha xornada sobre o texto legal, que emenda "moitas das inxustizas" da lei anterior
AGE pide a Xunta e Goberno que negocien 'directamente' coa Comisión Europea para solucionar o 'tax lease'
A vicevoceira de Alternativa Galega de Esquerda (AGE), Yolanda Díaz, esixiu á Xunta e ao Goberno central que "negocien directamente" coa Comisión Europea (CE) para "arranxar" o problema do 'tax lease', despois de que o comisario Joaquín Almunia "rexeitase os argumentos" presentados polo ministro de Industria, José Manuel Soria e os presidentes autonómicos de Galicia, Asturias e País Vasco.
A Comunidade galega perderá autónomos en 2013, segundo Uatae
Piden á Xunta que "se centre" en solucionar a "falta de crédito" a autónomos e en "reactivar a economía"
Tres helicópteros colaboran no dispositivo de busca dos dous desaparecidos en Valdoviño (A Coruña) pola ondada
Tres helicópteros colaboran no dispositivo de busca de dúas persoas, un home e a súa filla, que permanecen desaparecidos dende a tarde do luns ao ser arrastrados polo mar xunto ao cuñado do primeiro, o corpo da cal foi localizado este martes.
Conde di que se estudará o 'alcance' das devolucións polo tax lease antes de decidir pedir medidas preventivas
Afirma que a análise da Axencia Tributaria cos investidores deberá "estar lista" nun prazo de dous meses

O maior directorio galego de empresas e profesionais. Direccións, teléfonos...

Alimentación Animais Arte e cultura Artes gráficas
Asesorías e laboral Asociacións, colexios oficiais e profesionais Automoción Comercio varios
Comercio, banca e finanzas Construción Deportes Enoloxía
Ensino Espectáculos e eventos Establecementos hoteleiros Estética e beleza
Flores e plantas Fogar e mobles Imaxe e son Industria
Enxeñaría Inmobiliaria Instalacións e mantenimientos Xoiaría e reloxaría
Xustiza e servizos legais Maquinaria Náutica e servizos navais Ocio
Publicidade, mercadotecnia e medios Relixión e servizos funerarios Restaurantes e hostalaría Saúde
Seguridade e vixilancia Seguros e mutuas Servizos a empresas Servizos fogar
Servizos sociais Servizos e subministracións Tecnoloxía e comunicacións Téxtil e complementos
Transportes e loxística Turismo Viaxes