Galixfera.com o portal galego de información e servicios

NCG formula aos sindicatos unha rebaixa salarial do 24% para os traballadores de EVO Banco

Fuente: Europa Press | Publicado: 11-09-2013
0 comentarios | Votos: 1 | Nota: 2 |
Novagalicia formulou aos sindicatos unha rebaixa media dos salarios do 24% para os 590 traballadores de EVO Banco que dependen da entidade galega, no inicio das negociacións que se impuxeron como requisito para pechar a compra por parte do fondo norteamericano Apollo.

Directivos de NCG e as centrais reuníronse este mércores na primeira das citas previas á apertura do período de consultas e, segundo explicaron a Europa Press fontes sindicais, o próximo encontro terá lugar o luns, sobre as 11.00 horas, tamén en Santiago.

Ademais desta condición, Apollo --que, segundo confirmou este luns o banco galego, pechou un acordo para facerse coas 80 oficinas de EVO por 60 millóns de euros-- está pendente da creación dunha ficha bancaria, cuestión que depende do Banco de España.

En canto aos soldos, piden unha "adecuación" ao resto do sector, que o voceiro de CIG-Banca, Clodomiro Montero, cifra en algo máis de 6 millóns de euros anuais no seu conxunto, o que, multiplicado polos cinco anos de mantemento do emprego que garante, supoñen uns 30 millóns de euros "de aforro".

Por parte de CC.OO., o seu representante en Novagalicia, Luis Mariño, apunta que o banco trasladou que a redución salarial actuaría "sobre os complementos extra ao convenio", o que, destaca, "salvagardaría" cuestións como o soldo base e a antigüidade dos distintos membros do equipo.

Polo menos Comisións --e algunha organización máis-- pediu aos responsables de NCG nova documentación sobre os traballadores e as condicións "individualizadas" que se pretenden aplicar, de modo que poidan estudala antes da nova reunión do próximo luns.

"A raíz do acordo para o Banco Etcheverría xa temos unha parte andada. Está todo moi marcado", resaltou Mariño, quen o pasado luns viu "positiva" a adquisición por parte do fondo estadounidense ao significar que se preservan os empregos.

"DÚBIDAS SOBRE A LEGALIDADE"

Pola súa banda, Montero volveu criticar a operación e, a maiores, expresou as súas "dúbidas" sobre as súas "garantías legais", xa que, segundo afirma, este mércores preguntaron aos directivos de NCG se a xunta xeral de accionistas do banco aprobara a segregación e venda de EVO, algo que, segundo asegura, non aconteceu.

"Collémoslles co paso cambiado", chamou a atención o responsable da central nacionalista, quen subliña que a xunta, que non foi "nin convocada", agora xa non está conformada unicamente polo FROB, senón que, entre outros, están os preferentistas. "O FROB e Novagalicia teñen que escoitar aos preferentistas", reclamou, despois de criticar a "prepotencia absoluta" con que, ao seu xuízo, están afeitos a actuar os primeiros.

Por último, Clodomiro Montero censurou tamén que as negociacións para cambiar as condicións laborais do equipo de EVO se estean a desenvolver entre NCG e os representantes dos traballadores deste banco, en lugar de entre o fondo que compra e os seus futuros empregados, como opina que debería suceder.
Comentarios:

Queres comentar a noticia?

En breve poderá darse de alta como usuario para poder comentar as noticias. Unha vez rexistrado poderás comentar e moito máis

Regístrarme



O MÁIS LEIDO

Hernández cre o PP 'non ten nada que ocultar' e colaborará coa Xustiza para que 'saia á luz toda a verdade'
Durante tres días a Escola de Verán Miguel Ángel Blanco desenvolveu charlas e mesas redondas sobre temas como o inicio do autogoberno
Leopoldo Rubido presenta a súa renuncia como alcalde de Cedeira tras ocupar o cargo 32 anos
O alcalde de Cedeira, Leopoldo Rubido (PP), de 71 anos de idade, e que ocupou o cargo durante 32 anos en distintos períodos non continuados, presentou no pleno municipal a súa renuncia ao posto e á acta de concelleiro para "dar paso a unha nova xeración".
Achan o corpo dun mozo no interior dun pozo nunha leira de Lalín (Pontevedra)
O corpo dun mozo de 26 anos foi atopado este sábado no interior dun pozo dunha leira de Lalín, en Pontevedra, segundo informan fontes da Policía Local a Europa Press.
A Xunta dá por controlado o incendio forestal de Rianxo (A Coruña), que queimou 140 hectáreas
A Xunta de Galicia deu por controlado o incendio forestal rexistrado dende este domingo no concello coruñés de Rianxo, onde se queimaron 140 hectáreas.
Comité de Navantia Ferrol ve 'positivo' o acordo con Turquía pero 'non achegará traballo' en construción ao estaleiro
O Comité de Empresa de Navantia Ferrol cualificou de "positivo" que Turquía seleccionara o equipo formado pola empresa naval pública española e o estaleiro turco SEDEF para o deseño e construción dun buque LHD, similar ao 'Juan Carlos I' da Armada española, e catro lanchas de desembarco LCM, pero matizou que "non achegará" carga de traballo en construción ao estaleiro ferrolano.

O maior directorio galego de empresas e profesionais. Direccións, teléfonos...

Alimentación Animais Arte e cultura Artes gráficas
Asesorías e laboral Asociacións, colexios oficiais e profesionais Automoción Comercio varios
Comercio, banca e finanzas Construción Deportes Enoloxía
Ensino Espectáculos e eventos Establecementos hoteleiros Estética e beleza
Flores e plantas Fogar e mobles Imaxe e son Industria
Enxeñaría Inmobiliaria Instalacións e mantenimientos Xoiaría e reloxaría
Xustiza e servizos legais Maquinaria Náutica e servizos navais Ocio
Publicidade, mercadotecnia e medios Relixión e servizos funerarios Restaurantes e hostalaría Saúde
Seguridade e vixilancia Seguros e mutuas Servizos a empresas Servizos fogar
Servizos sociais Servizos e subministracións Tecnoloxía e comunicacións Téxtil e complementos
Transportes e loxística Turismo Viaxes