El mayor directorio gallego de empresas y profesionales. Direcciones, teléfonos...
Noticias publicadas:
Caballero pide a Rajoy que aclare "que falou" con Almunia sobre a retroactividade da suspensión do 'tax lease'
VIGO, 6 (EUROPA PRESS)
O alcalde de Vigo, Abel Caballero, reclamou este xoves ao presidente do Goberno, Mariano Rajoy, que aclare o contido da súa conversación co comisario Joaquín Almunia no referente ao 'tax lease' e á posible retroactividade do expediente de suspensión deste sistema de bonificacións fiscais utilizado na construción naval.
Nunha rolda de prensa, o rexedor manifestou a súa "preocupación" polo feito de que, tras a reunión das últimas horas entre o presidente e o comisario Joaquín Almunia "non se sabe que acordaron" no relativo ao expediente do 'tax lease'.
"Sigo teméndome un golpe de man de Almunia contra Vigo", apuntou Caballero, e mostrou o seu desexo de que "Rajoy o"arranxara". "Pero non confío nada", engadiu Abel Caballero. "Que diga Rajoy que falaron e que vai pasar. Non fixo declaración pública e iso déixame preocupado", afirmou o alcalde.
(AV) O PPdeG ratifícase no recorte de escanos aínda que se compromete a estudar as propostas da oposición
SANTIAGO DE COMPOSTEla, 6 (EUROPA PRESS)
A redución no número de deputados autonómicos, unha "liña vermella" que PSdeG e AGE non están dispostos a traspasar, segue sendo o principal eixe sobre o que o PPdeG pretende facer pivotar a súa reforma da Lei electoral galega.
De tódolos xeitos, tras unha reunión entre os voceiros e vicevoceiros destes tres grupos parlamentarios, que se prolongou por espazo de máis dunha hora, o representante do PPdeG, Pedro Puy, aseverou que trasladará á dirección do seu partido as propostas da oposición para que sexan obxecto de estudio.
(HABERÁ AMPLIACIÓN)
